Kitne badnaseeb hain tere aansu

kitne badnaseeb hain tere aansu, 

saath tera jo chhod jaate hain.

aur ek hum hai jo teri chahat mein, 

pyaar ke afsaane naye banatein hain.

tere chehre ka noor kya samjhe, 

jo ek pal na thahar paatein hain.

jo tarashte hain tere didar ko unse puchho...[2]

tere ik aas mein palkon ko wo bichhaate hain...

haath lagate hi chhalak jaye...wo paimaana hai,

jo deewangee ko samjhe hai...wahi deewaana hai,

wo kya jaanege muhabbat cheez hai kya…[2]

jinki aankhon pe fulsafon ka samiyaana hai.

jindgi bhul kar jeene ka sukh unse puchho,

teri bekhudi mein jo din apne bitaaye jaate hain

gazal hai, geet hai, kavita hai ya kahani hai,

ishq hai kya bas behta hua sa paani hai.

jinhe mil jaaye wo khushnaseeb hain kum,

warna pyaasee hin yahan puri jindgani hai.

ishq ka mol un parvaano se puchho,

shama ki aarzoo mein jo khud ko jalaaye jate hain.

Ishq Ishq hai aur Ishq pe koi zor nahi,

jo ishq karte hain, wo bus yahee gungunaten hain.

kitne badnaseeb hain tere aansu, saath tera jo chhod jaate hain...